Həndbol: oğlanların mübarizəsində Xorvatiya qələbə qazandı

XV Avropa Gənclər Olimpiya Festivalında oğlan həndbolçuların mübarizəsinə yekun vurulub.

Bakı İdman Sarayında keçirilən final matçında Xorvatiya və Almaniya komandaları üz-üzə gəliblər. Gərgin mübarizə şəraitində keçən qarşılaşmada qalib cəmi 1 top irəlidə olub – matçı 29:28 öndə tamamlayan xorvatlar son dərəcə çətin qələbə sayəsində “EYOF Bakı 2019”un çempionu adını qazanıblar.

Xatırladaq ki, üçüncülük oyununda Danimarka həndbolçuları Fransa komandasını 28:21 hesabı ilə məğlub etmişdi.

Turnirdə 5-ci yer uğrunda görüşdə Sloveniya yığması İslandiyadan (24:17), 7-ci yer uğrunda görüşdə isə Serbiya komandası Azərbaycan həndbolçularında (35:14) üstün olub.

Bununla da Festivalda daha bir kollektiv növdə - oğlan həndbolçuların yarışında mübarizə başa çatıb.
 

Materiallar AZƏRTAC-ın məlumat dəstəyi ilə hazırlanıb.