Fransanın həndbolçu qızları finalda qalib gəldi

XV Avropa Gənclər Yay Olimpiya Festivalında həndbolçu qızların turnirində final matçı keçirilib.

Çempionun müəyyənləşdiyi həlledici oyunda Niderland və Fransa komandaları qarşılaşıblar. Gərgin mübarizə şəraitində keçən görüşdə 23:21 hesabı ilə qələbə qazanan fransızlar Bakı yarışlarının çempionu olublar.

Xatırladaq ki, üçüncülük görüşündə İsveçrə millisini məğlub edən (30:20) Macarıstan həndbolçuları bürünc medala sahib olublar.

Yarışda 5-ci yer uğrunda görüşdə Rumıniya yığması İspaniyadan (29:20), 7-ci yer uğrunda görüşdə isə Çexiya idmançıları Azərbaycan komandasından (42:13) üstün olub.

Bununla da Festivalda həndbolçu qızların mübarizəsi başa çatıb.
 

Materiallar AZƏRTAC-ın məlumat dəstəyi ilə hazırlanıb.